ЯҢАЛЫКЛАР

5 сентябрьдә Лубян урман-техника көллияте китапханәсендә тулай торакларның тәрбиячеләре: Щербакова А.К., Усова И.Я. белән Крылова А.Р. террорчылык актларында корбан булучыларны, шулай ук хезмәт бурычларын үтәгәндә һәлак булган махсус хезмәт һәм хокук саклау органнары хезмәткәрләрен искә алу хөрмәтенә багышланган “Без хәтерлибез” дигән ачык чара үткәрделәр. Балалар остазлары белән бергә террорчылык актларында һәлак булганнарны бер минутлык тынлык белән искә алдылар, аннан соң видеофильм карадылар, аның презентациясе балаларны “террорчылык” төшенчәсе белән таныштыруга, аның белән көрәшүгә юнәлдерелгән иде.

Бүген, 2016 елның 7 сентябрендә, Татарстан Республикасы Урман хуҗалыгы министрлыгында Төрекмәнстанның әйләнә-тирә мохит һәм җир ресурслары буенча дәүләт комитетының урман хуҗалыгы идарәсе башлыгы  Шамаммет Сарыханов булып китте. Ул Татарстан башкаласына, Сәүдә-икътисади, фәнни-техник һәм мәдәни хезмәттәшлек буенча төрекмән-татар эш төркеменең дүртенче уртак утырышында катнашу максаты белән, Төрекмәнстан делегациясе составында килде.

ТР урман хуҗалыгы министры Алмас Нәзиров Шамаммет Сарыхановны ведомствоның структур бүлекчәләре белән таныштырды, шуннан соң алар Татарстан Республикасының урман хуҗалыгы музеенда булдылар һәм Саба районына юл тоттылар. Төрекмәнстан вәкилләрен ТР Урман селекция-орлыкчылык үзәге, ябык тамыр системасы белән утырту материалын үстерү тәҗрибәсе белән; “Саба” III типлы янгын-химия станциясе белән; урман эшкәртү буенча җитештерү заводындагы цехлар белән таныштырырга планлаштырыла.