Россия Җәмәгать телевидениесенең «ПРАВ?ДА!» программасы анонсы. 9 июль 19.30 эфиры

Урманнар нилектән яна? Төбәкләр моңа ничек әзерләнә, инде кабынган янгыннарны ничек сүндерә? 2010 елның җәе кабатланмасын өчен нинди чаралар күрергә кирәк? Бәйсез экспертлар, шулай ук Гринпис вәкилләре Россиядәге урман янгыннары турында чын белешмәләр яшереп тотыла, дип саныйлар. Дөресме бу? Андый белешмәләрне яшерү кемгә ни өчен кирәк булырга мөмкин? Табигый һәм антропоген янгыннар нинди ешлык белән кабыналар? Экономика һәм экосистемалар өчен аларның тәэсире никадәр?

Әңгәмәдә катнашалар: Фатих Сибгатуллин – Дәүләт Думасының Табигый байлыклар, табигатьтән файдалану һәм экологик комитеты әгъзасы; Андрей Калинин – “Авиалесхорана” федераль идарәсе башлыгы; Наил Мәһдиев – Татарстан урман хуҗалыгы министры; Алексей Ярошенко – “Россия Гринписы”ның урман бүлеге җитәкчесе; Николай Моисеев – Мәскәү дәүләт урман университетының экономика һәм идарә кафедрасы мөдире, РФА академигы, Россиянең атказанган урман белгече; Вячеслав Федоров – “Яшел патруль” Бөтенроссия җәмәгать оешмасының информацион-аналитик проектлары җитәкчесе; Петр Цветков – В.Н.Сукачев ис. Урман институтының (Красноярск) урман пирологиясе лабораториясе мөдире, биология фәннәре докторы.