“Табигать-анабызны саклыйк”

Шул исемдәге бәйрәмне “Ашыт” ДКТЗ белгечләре катнашында Арча районының Казанбаш төп гомуми белем мәктәбендә үткәрделәр. Чараның максаты – балаларның экологик белемнәрен арттыру, табигатькә кайгыртучан мөнәсәбәт тәрбияләү. Чара бәйрәм рәвешендә узды. Укучылар концерт номерлары әзерләгән иде. Чыгышларның һәркайсы җирне, аның ресурсларын саклау темасына, хәзерге вакытта кешелек алдында торучы гаять зур экологик проблемаларга кагылды.

Табигатьне саклау хәрәкәтендә актив катнашучылар, укытучылар һәм укучылар ТР Урман хуҗалыгы министрлыгы дипломнары белән бүләкләнде.