"Баулы урманчылыгы" ДКУ

Баулы урман хуҗалыгы 1931 елда оешкан. Ул ­Татарстан Республикасының көньяк-көнчыгыш өлешендә Баулы һәм Бөгелмә административ районнары территориясендә урнашкан. Урман фонды җирләренең гомуми мәйданы 22741 га тигез. Аның 19857 га – урман белән капланган җирләр, шуның 3427 га – урман культуралары. Кушылмаган урман культуралары 912 га мәйданны били.

Урман хуҗалыгы составына 2 урманчылык керә:

• Баулы урманчылыгы - 11190 га;
• Кандыз урманчылыгы - 11551 га.

Урман төркемнәре буенча гомуми мәйданның бүленеше:

• I төркем - 13866 га;
• II төркем - 8875 га.

Өстенлек итүче токымнар буенча урман белән капланган мәйданнар бүленеше:­

• ылыслы агачлар барлыгы 3246 га мәйданны били (шул исәптән: нарат - 2683 га; чыршы - 329 га);
• каты яфраклы агачлар барлыгы  4165 га мәйданны били (шул исәптән: имән - 3089 га);
• йомшак яфраклы агачлар барлыгы 12359 га мәйданны били (шул исәптән: каен - 7059 га; усак - 3983 га; юкә - 1228 га).

Агачларның гомуми запасы - 2562,0 мең м.³. Урман бүлемтеге - 32,0 мең м³.