Республика районнарында «Татарстан Республикасы муниципаль районының иң яхшы мәктәп урманчылыгы» конкурслары уза
Республика районнарында «Татарстан Республикасы муниципаль районының иң яхшы мәктәп урманчылыгы» конкурслары уза. Аларны ТР Урман хуҗалыгы министрлыгы карамагындагы учреждениеләр – урманчылыклар һәм районнардагы мәгариф идарәләре оештыра.
Конкурслар 2 этапта үткәрелә: сайлап алу (гомуми белем бирү учреждениеләрендә) һәм төп (Министрлык карамагындагы учреждениеләрдә).
Конкурс барышында «Урманнарны торгызу» (агач һәм куаклар утыртуда, урман үсемлекләре орлыкларын әзерләүдә катнашу), «Урманны саклау һәм яклау» (урманнарны янгыннардан, корткычлардан һәм авырулардан саклау, урман фонды территориясен чистарту, кошлар өчен ясалма оялар әзерләү һәм элү буенча чараларда катнашу), «Мәгърифәтчелек эшчәнлеге» (экологик тематикага әңгәмәләр, лекцияләр, семинарлар, конференцияләр үткәрү), «Мәктәп урманчылыгы эшчәнлеген оештыру» (авторлык программаларын эшләү, мәктәп яны кишәрлекләрендә фәнни-тикшеренү, урман хуҗалыгы эшләре алып бару һ.б.) юнәлешләре буенча мәктәп урманчылыкларында тәрбияләнүчеләрнең эшчәнлеге бәяләнә.
Конкурсларда җиңүчеләр май ахырында билгеләнәчәк. Алар мактау грамоталары, истәлекле бүләкләр белән бүләкләнәчәк һәм 2021 елның июлендә «Лубян урман-техника көллияте» ДБҺБУ базасында узачак Татарстан Республикасы мәктәп урманчылыкларының IV слетында катнашачак.